हल्ली तरूणांपासून ते अगदी वयोवृध्दां पर्यंत सगळेच पांढर्या केसांमुळे चिंतेत असलेले दिसतात. वय वाढत चालले की केस पांढरे होतातच. मात्र केमिकलयुक्त हेअर डायरचा वापर करून आपल्या केसांचा हरवलेला रंग पुन्हा येत नाही. तीव्र उन्हात राहणे, केसांना अपुरे पोषण मिळणे यामुळे केस पांढरे होऊ लागतात. त्यानंतर मग केस पुन्हा काळे करण्यासाठी वेगवेगळे उपाय करावे लागतात.
अतिशय महागडे केमिकलयुक्त प्रोडक्ट्स आपल्या केसांसाठी वापरण्यापेक्षा फक्त नारळाचे तेल केसांना लावून तुम्ही सुंदर, दाट आणि काळेभोर केस मिळवू शकता. हेल्थलाईनच्या रिपोर्टनुसार नारळाचे तेल हे केसांसाठी एक उत्तम कंडिशनर म्हणून काम करते.ज्यामुळे केसांना नॅचरली शाईन मिळते. इतकेच नव्हे तर त्यामुळे एक्स्ट्रा मॉइश्चर कमी होते व केसांच्या समस्या उद्भवत नाहीत.
नारळाचे तेल हे आयुर्वेदिक तेलांमध्ये अव्वल स्थानावर आहे. या तेलाच्या वापराने केसांना अगदी मुळापासून ते लांबी पर्यंत कित्येक फायदे मिळतात. या तेलात जास्त प्रमाणात एंटी ऑक्सिडंट असतात. नारळाच्या तेलामुळे केसांचा हानिकारक घटकांपासून बचाव होतो व फ्री रेडिकल्स पासून देखील त्यांचे संरक्षण होते.
नारळाचे तेल आणि आवळा
आवळ्यामध्ये व्हिटामिन सी भरपूर प्रमाणात असते. त्यामुळे केसांचे आरोग्य चांगले राहण्यास मदत होते. म्हणून नारळाच्या तेलामध्ये आवळा एकत्रित करून लावल्याने केस काळेभोर होतात. 3 चमचे नारळाच्या तेलात 2 चमचे आवळ्याची पावडर मिसळून लावा आणि १ तासभर तसेच केसांवर लावू ठेवा. दर आठवड्यातून एकदा हा उपाय नियमितपणे केल्यास केस काळेभोर आणि घनदाट होतील.
नारळाचे तेल आणि मेहंदी
मेहंदी चे आपल्या आयुर्वेदात खूप महत्व आहे. त्यामुळे मेहंदी आपले केस काळे करण्यासोबतच केसांना मुलायम आणि दाट बनवते. तसेच मेहंदीने जर केस लाल होण्याची समस्या उद्भवत असेल तर 3 चमचे नारळाच्या तेलात 2 चमचे लिंबाचा रस मिसळून त्याची पेस्ट केसांना लावा व त्यानंतर केस स्वच्छ पाण्याने धुवून घ्या.यामुळे केसांना सुंदर चमक व लकाकी मिळते.
Add Comment